Пöч аддзывлöма уна кар. Зэр улын, жар дырйи, кöдзыд вылö видзöдтöг отсалöма матыстны Победа. Пöчлöн вöлöма бур нывъёрт – Лариса, чойяс моз пö овлiм.
–Менам öчеред вöлi мунны доймöм салдатъяс дорö, но висьми, – синва сорöн казьтывлöма пöч. – Ме пыдди мунiс Лариса и мина улö весакалiс, кувтöдзыс доймалiс... Кор висьталiсны Победа йылысь, ми вöлiм Кёнигсбергын, а сы бöрын Берлинын. Ми, 8 нывка вöлiм. Керка дорас вöлi клумба – мича дзоридз быдмö. Сизимöн котöртiсны чукöртны дзоридзсö, а менö быттьö кодкö кутic... Кутшöмкö керка йикрксянь кылiс пулемёт шы... Сизимнаныс усисны клумба вылас. Менам гимнастёркаöй пысасьöма ыджыд кöртувйö, сiйö и кутiс менö, коли ловъяöн. Сэк ме лыдди молитва, кодöс мам сетлiс. 1946 воын пöчö воöма гортас– Серёговö. Пырöма уджавны больничаö. Öнi пöрысь пöчö абу нин миянкöд. Ёнасö абу и радейтлöма висьтавны война йывсьыс. Та йылысь казьтыштöма сöмын 1968 воын ыджыд мамыслы - öтлаын сэсся и гижисны со та йылысь. Пöчлöн зэв уна медаль коли, видзам найöс. Муöдз копыртчылам пöрысь пöчлы. Аттьö сылы Победаысь! Некор ог вунöдöй!
(Снимок вылас чоя-вока Ксения Петровна да Аркадий Петрович Зубехинъяс. Найö пройдитiсны став войнасö 1941–1945 воясö. Унаысь доймалiсны. Но локтiсны бöр гортаныс. Татшöм том зон да нылыс сэки вöлi уна, но унаöн бöр эз локны).
